今日收到一批好靚嘅獨立包裝口罩，係由食物及衞生局「全城減鹽減糖」運動印製。除咗提早幫各位慶祝農曆新年之餘，亦都提醒各位要食野記住一定要少鹽少糖，為自己身體健康而努力！！

領取口罩步驟如下：

(1) 讚好 「全城減鹽減糖 Hong Kong’s Action on Salt and Sugar Reduction」 Facebook專頁；
(2) 到訪本中心，向中心職員展示相關頁面，即可獲贈口罩一份（口罩顏色隨機分發）。

數量有限，換完即止。有興趣就快啲喺辦公時間上嚟拎口罩啦

因應政府疫情控制措施，中西區地區康健站各項服務及活動最新安排如下：

(1)各項健康風險評估、個別輔導諮詢、中心開放時間：仍然維持正常

(2)慢性病自我管理課程：改以網上形式進行/延期（視各課程而定）

(3)外展服務、借用健身單車服務、各項運動班/工作坊/健步行互助小組：暫停兩星期

不便之處，敬請原諒。如有任何疑問，歡迎致電26340290與職員聯絡。

大家好呀健粟要提醒大家，因應當局宣佈收緊多項社交距離措施及防疫措施，「中西區地區康健站」於2022年1月7日至1月20日期間將有以下服務安排
可能對各位會員上嘅班組有所影響，煩請大家留意以下通告

—
中西區地區康健站
香港干諾道西188號香港商業中心18樓1801室
26340290
服務時間：
逢星期一、三、五、六： 上午9時至下午5時30分
逢星期二、四： 上午11時至下午9時
逢星期日及公眾假期： 休息（除特別註明外）

為慶祝農曆新年，中西區地區康健站邀請咗揮春畫老師到場即席揮毫，歡迎各位到場領取😌。

日期：2022年1月15日(星期六)
時間：下午2時至4時
地點：中西區地區康健站主中心

因應疫情發展，如活動有改動會盡快公佈。希望可以到時可以見到大家啦🤓🥳
如有任何查詢，歡迎致電26340290與職員聯絡。

中西區地區康健站新一期瑜伽訓練又開始啦，有興趣參加就可以打電話26340290上嚟報名啦

不厭其煩講多一次，中心活動係開放予所有有興趣人士參加㗎，唯中西區地區康健站會員可優先報名。

課程資料如下：

瑜伽輪訓練
日期：2022年2月12、19、26、3月5日(星期六，共4節)
時間：下午3時至4時
地點：主中心
名額：8人

食物及衞生局局長陳肇始教授早前到訪中西區地區康健站主中心，瞭解主中心投入服務以來嘅運作、服務網絡及中心各項設施；陳教授亦都藉此向中心各同事打打氣。

中心將會透過舉辦不同活動加強推廣基層醫療概念及唔同嘅健康知識，令各位市民都可以保持身心健康同及早預防疾病。

中西區康健站與香港大學李嘉誠醫學院合作舉辦「救人要緊！」工作坊。工作坊主要講解面對有人突然出現中風和心臟病發的處理方法；此外亦會教授減少在家跌倒風險嘅貼士。歡迎年滿55歲或以上的地區康健站會員報名！

對象：55歲或以上的會員

第一班
日期：2021年12月30日(星期四)
時間：14:00-16:00
地點：中西區地區康健站主中心

第二班：
日期：2022年1月4日(星期二)
時間：18:30-20:30
地點：中西區地區康健站主中心

兩班名額合共只有30人，有興趣參加就要快啲打電話26340290上嚟中心報名啦！

今日(11/12)好開心邀請到何宗聯中醫師嚟到地區康健站，同各位分享以中醫角度解構腰腿痛、膝關節痛兩個可以導致跌倒嘅痛症同埋有啲咩方法紓緩痛楚。

今次是小編第一次用Youtube直播形式與各位分享健康資訊，所以有小小Bugs，希望各位唔好介意未來亦會多利用Youtube平台加強宣傳分享資訊。希望各位可以多多支持。

再次多謝何醫師嘅分享

想重溫今次中醫講座，可以瀏覽以下網頁
https://www.youtube.com/watch?v=z0YP-0Tz3Uk

中西區地區康健站試行開放單車機供會員登記使用，並將於13/12起實施。供會員使用的時段如下：

逢星期一、三、五、六：上午10時至11時、下午3時至4時
逢星期二、四：下午2時至3時、下午6時至7時

會員只需要致電中心熱線26340290向職員登記就可以過嚟做下運動，訓練下自己心肺功能之餘又可以釋放下壓力
登記以先到先得形式進行，並將以15分鐘為一節。會員最多可以預約兩日各兩節時段使用單車機。
相關開放時段會視乎使用狀況再作調整。